La lutte continue!

Bro ar bara

Pell emañ bro ar bara
Pelloc’h-pellañ a deiz da deiz
Pellaat, bihanaat, strishaat a ra
Ha gwanoc’h-gwanañ en tu-mañ hon ene.

Pell hirie an amzer santel
Amzer ar rannañ, amzer ar gontell
Piv ‘zo bremañ ‘vit chom hep kregiñ
Ar primmañ ar gwellañ en tammoù lous ha kriz ?

Pell emañ bro ar bara
Pelloc’h-pellañ, digreskiñ a ra
Ha te ‘zo chom ‘kreiz ar vro-se
‘Zo skeiñ warnomp bruzhunoù da lastez.

C’hoarzhin a rez, plijadur ‘teus
Met un deiz bennak ‘cheñcho an hin
Ha pa deuyo ma dro da dañva ar sistr beuz
Ra vo roet kalon, madelezh ha joa din.

Miz du 2006
Ivi Kromm